Dianan 21, 22 i 23 di sèptèmber último DeliNova a tene su 'DeliKerst FoodMarket'. Un evento spesial di DeliNova ku enfoke riba sektor di hospitalidat i horeca. E evento a tuma lugá for di 4’or di atardi pa 8’or di anochi, durante 3 dia largu na edifisio di DeliNova, na Zeelandia. Klientenan, gran mayoria di sektor hotelero i restorant a haña amplio oportunidat pa den un setting kálido i festivo kuminsá prepará pa e temporada benidero.
Di un manera dinámiko a lanta kuriosidat di profeshonalnan den industria riba tendensianan kulinario nobo pa e temporada benidero. E aña aki Pasku lo tin variashon total di produkto, konseptonan nobo pa presentá e produktonan tradishonal di manera ku profeshonalnan den industria por entrega eksperensianan eksepshonal.
Durante di e evento a ofresé diferente ‘tastings’ for di e tradishonal ‘ham di Pasku ku anasa’ pa e dushi chukulatinan navideño dunando tur presente un fuente di inspirashon pa platonan sukulento. DeliKerst FoodMarket tabata un plataforma ideal pa e tim di DeliNova interaktuá direktamente ku klientenan i añadí un toke personal di manera ku e komunikashon na momentu di hasi pedido por bai sin interupshon.
Esaki tabata e promé edishon di DeliKerst FoodMarket, t’e intenshon pa progresivamente e krese den akohida serka profeshonalnan di industria. E meta ta simpel; nos ke ta un fuente di inspirashon pa profeshonalnan den sektor hotelero i restorantnan riba nos isla. Ademas, nos ke ofresé nan rekursonan ‘out of the box’ pa preparashonnan e fin di aña aki. Mester menshoná ku e evento a resultá unu realmente eksitoso. Klientenan a brasa e oportunidat pa eksplorá oportunidatnan diverso i sera konosí ku e variashon amplio di produkto i konsepto ku DeliNova ta ofresé. Ta gradisí un i tur ku a kontribuí na hasi e evento aki unu eksepshonal. Otro aña e DeliKerst FoodMarket tei atrobe pa sigui inspirá su klientenan di manera ku nan por prepará nan mes ku tempu pa e dianan di fiesta.
Comments