Kooyman semper a dediká su mes na brinda komunidatnan Karibense hèrmènt, produkto i ekspertisio ku nan tin mester pa konstruí, krea, embeyesé i floresé. Kooyman a bin ta sostené e vishon di artistanan lokal ku Colors of the Caribbean, i awor ta ekstendé esaki den un kampaña ku ta kubri tur 5 isla. Un kampaña multikultural i hopi kolorido ku ta selebrá tur loke ta uni nos komunidat, poniendo énfasis riba arte, kultura, kreashonnan úniko i vivensia di nos isla.
Sinku artista di islanan Kòrsou, Boneiru, Aruba, St. Maarten i Barbados a krea kada un, un mural ku ta representá ‘Colors of the Caribbean’ i ku ta reflehá e kolornan vivido di nan isla. Kooyman a sostené nan vishon- for di canvas, pa muraya; komunidat lo risibí un dósis di positivismo i kreatividat na luganan manera entre otro edifisio di skol, ‘veld’ i auditorio pa hasi deporte, kasnan di kuido pa mucha i mas. Tambe, a sostené e artistanan ku fèrf i otro material. Mester bisa ku kada un, ta un! Kooyman ta felisitá e artistanan ku nan mural i pa hasi e kampaña aki unu realmente impaktante. Pa Kòrsou tabata Joan of Arts, pa Boneiru tabata Marea Arts, pa Aruba Paul Wong, pa St. Maarten Zillah Duzon Hazel i finalmente pa Barbados tabata Shane Eastwond. Tur ta obranan impreshonante i digno di atmirashon. Kooyman su meta ta, pa inspirá komunidat di e 5 islanan pa duna kolor na e deseonan di kurason. For di pinta un mural, te muraya di un kamber, un muebel, òf bo hogar- Kooyman t’e partner ideal.
Un sunchi di dushi Kòrsou- Joan of Arts
Riba imágen athunto, un obra masha bunita di Joan of Arts yamá ‘Cateoni’. Joan a krea e mural inspirá dor di su yunan ku mester a bai studia afó. E mural ta representá un sunchi di dushi Kòrsou, ku e meta pa laga muchanan di nos isla sá, ku nos tei pa nan, ki ora ku nan mester. Kooyman ta invitá bo pa bishitá e proyekto bunita aki na Goslinga den Otrobanda i keda pendiente pa un reto i premionan fabuloso relashoná ku e kampaña aki. Pa mas informashon, bishitá www.kooymanbv.com òf Kooyman su página di Facebook i Instagram.
Comentarios